VEURJOAR
Ie zeet ut an de stroek´n,
De boom´n en ut grös.
An de meez´n en de muskes,
Die maakt bekaant een nös.
Zelfs an mens´n kuj ´t merk´n,
Veural as de zunne schient.
An de mooders en de kinder,
Diej dan zo doonde zeet.
Ut vrouwvolk begint te klopp´n,
Met kleed en beddegoed,
De schoonmaak kan beginn´n,
Ut veurjoar is weer oet.
BEDENKSELS
Ik denk wel ‘s, ik wol dak konne vlieg´n….
Hoog boam in de luch…. en zo noar beneden kon zwieren
En weer noar de boom’n konne zwenk’n as een zwälfie in de vlucht.
Ak dan de mensen zage, zo van hooge noar beneen…
Ik wedde dak zolle denk’n
"Zie hebt eigenluk allenig mar twee been’n en ’n hoop bedenksels e-kreeg’n"
ZOEZEBOLLE
Zoezebolle – Dondertolle
Onweerschoer – Ouwehoer
Proemedante – Suukertante
Dreekleizoer – Stuk pandoer
Zunnebloome – Derrek ome
Botterkrölle – Weet ik völle
Kromme konte – Met ´n lonte
Donderbusse – Brook an ´n lusse
Zeutmelkskalf – Half um half
Krentenkakker – Net as de bakker
Toafelmone – Ome Tone
End van ´t leed – Zoo´j wel zeet
RIEKE
Ik bin rieke as ik um mien henne kieke.
Ik bin rieke, zonder zörgen van de dag.
De zönne kump,
De maone geet,
En ’t brood dat op de
Taofel steet,
Smek mie goed…
Wat wi’j nog meer?
Ik bin rieke zeg noe zelf!!
Ik bin rieke;
Heb niet te vûlle
Dat mien hindert,
As zovölle,
Die zich rieker veult as ikke.
Ik heb neet meer
Woar de wereld zo noar kik.
Bin allange neet meer slank
As ne denne.
’t Vel wat lösser
Um de hood.
Mien haande
Zint wat rimpelig.
Zo mooi zee’k d’r
Niet meer oet.
Ik bin rieke, wis en zeker.
Ik bin rieke weet dat good.
Problemen met de – aangepaste – Sallandse taal?
Zie het Groot Sallands Vertaalboek!!:info@dierenartsonline.nl
